তিতা-মিঠা #হেচ্‌টেগ#

(এমুঠি মাইক্ৰ’ কবিতা)

                         (বজ্ৰাঙ্গ দাস)

#সুখ-দুখ

সুখ বিচাৰি হাবাথুৰি খালো

দুখৰ ঠিকনাহে বাৰে বাৰে পালো

#পোহৰ-এন্ধাৰ

পোহৰ বিচাৰি বহু দৌৰিলো

নিজৰেই ছাঁৰ মাজত নিজক হেৰুৱালো

#সপোন-দিঠক

দিঠকৰ আৰে আৰে সপোনবোৰ জুমি চালো

সিচৰিত চূৰ্ণ টুকুৰাবোৰহে দেখা পালো

#আশা-হতাশা

আশাৰে আশাৰ বাট চালো

হত আশাৰ চকুলোৰে ধুই পেলালো

#প্ৰেম-বিৰহ

প্ৰেমৰ নামত জীৱন সপিলো

বিৰহ অগনিত জ্বলি-পুৰি মৰিলো

#তুমি-মই

মই যিমানেই তোমাৰ কাষত

তুমি সিমানেই মোৰ পৰা আঁতৰত