Sunday, July 31, 2011

মই বুজি নাপাওঁ

               (বজ্ৰাঙ্গ দাস)
হয়
তুমি সচা কথাই কৈছিলা
প্ৰেমৰ অৰ্থ
মই বুজি নাপাওঁ |

মই বুজি নাপাওঁ
তোমাৰ চকুৰ গহ্বৰত অন্তৰ্নিহিত ইংগিত |

মই বুজি নাপাওঁ
তোমাৰ অশু‌ভ আচৰণৰ আঁৰৰ সত্য |

মই বুজি নাপাওঁ
তোমাৰ ওঁঠৰ পৰা অনুচ্চাৰিত শব্দৰ অৰ্থ |

মই বুজি নাপাওঁ
তোমাৰ মনৰ প্ৰতিটো কোনৰ অপ্ৰকাশিত ৰহস্য |

আৰু মূল কথা হ’ল
মই বুজি নাপাওঁ তোমাক |

তুমি সচা কথাই কৈছিলা
প্ৰেমৰ অৰ্থ
মই বুজি নাপাওঁ ||

No comments:

Post a Comment